વિકસીત ગુજરાત@૨૦૪૭

વિકસીત ભારત@૨૦૪૭ તરફ ગુજરાતનો રોડમેપ

ગુજરાત પુષ્કળ તકો અને સિદ્ધિઓની ભૂમિ છે. ગુજરાત દેશના જી.ડી.પી. માં નોંધપાત્ર હિસ્સો ધરાવતું સૌથી ઝડપથી વિકસતું રાજ્ય અર્થતંત્ર છે. ગુજરાતે વિકાસલક્ષી મોડેલોની વિશાળ શ્રેણી રજૂ કરી છે. ગુજરાતના સાહસિક લોકોમાં પડકારોને તકોમાં પરિવર્તિત કરવાની સહજ વિશેષતા છે.

ગુજરાત, જે તેની ઊંડા મૂળિયાવાળી ઉદ્યોગસાહસિક ભાવનાથી પ્રેરિત છે, તેણે વર્ષોથી ગતિશીલ અર્થતંત્રના નિર્માણમાં નોંધપાત્ર પ્રગતિ કરી છે. ભારતના સૌથી વધુ ઔદ્યોગિક અને શહેરીકૃત રાજ્યોમાંના એક તરીકે, ગુજરાત વિવિધ ક્ષેત્રોમાં મોખરે રહ્યું છે. રાજ્ય એક ઉત્તમ માળખાકીય સુવિધા પ્રદાન કરે છે જે વ્યવસાય વિકાસને ટેકો આપે છે, જેમાં સુવિકસીત પરિવહન નેટવર્ક, આધુનિક ઔદ્યોગિક સુવિધાઓ અને કાર્યક્ષમ લોજિસ્ટિક્સ સિસ્ટમનો સમાવેશ થાય છે. સક્રિય શાસન, નીતિ-આધારિત અભિગમ અને અનુકૂળ વાતાવરણે ગુજરાતને અનેક સ્પર્ધાત્મક સૂચકાંકોમાં અગ્રણી / ટોચના પ્રદર્શનકાર તરીકે સ્થાન આપ્યું છે. રાજ્ય ભારતમાં પસંદગીનું રોકાણ સ્થળ બન્યું છે.

આપણા રાષ્ટ્રની સ્વતંત્રતાના શતાબ્દી વર્ષ તરફ પરિવર્તનશીલ યાત્રા શરૂ કરી રહ્યા છીએ ત્યારે, આપણા જીવંત રાજ્યના દરેક નાગરિકની આકાંક્ષાઓ સાથે સુસંગત એક વિઝન રજૂ કરવું ખૂબ જ મહત્વપૂર્ણ છે. સમૃદ્ધ, ટકાઉ અને સમાવિષ્ટ ગુજરાત માટેની આપણી સામૂહિક આકાંક્ષાઓ આ પ્રયાસને આગળ ધપાવે છે. વિકાસ ગુજરાત માટેનો વિઝન દસ્તાવેજ ફક્ત એક રોડમેપ નથી પરંતુ એક એવું ભવિષ્ય બનાવવાની આપણી પ્રતિબદ્ધતાનો પુરાવો છે જે આકાંક્ષાઓને પોષે છે અને કોઈને પાછળ ન છોડે.